Selia e fushatës së Donald Trump-it në Ashburn, Virginia, u vodh të dielën, sipas Zyrës së Sherifit të Qarkut Loudoun (LCSO), e cila ka arritur të sigurojë video të të dyshuarit.
I dyshuari është përshkruar si një burrë i bardhë, i rritur, i veshur me rroba të errëta dhe një kapele të zezë, njoftoi LCSO të hënën përmes një deklarate për mediat. Në pamjet e siguruara, ai shfaqet me një çantë të verdhë të vendosur përpara, ndërsa kalon pranë një muri të zbukuruar me një flamur amerikan dhe një poster të Trump-it.
Media Release: The Loudoun County Sheriff’s Office (LCSO) is seeking a suspect in connection with a burglary at the Trump for President 2024 campaign office in Ashburn, VA, on August 11, 2024. The office, in the 20000 block of Ashbrook Place, is being leased by the Trump campaign… pic.twitter.com/wkMLb4AP2D
— Loudoun County Sheriff's Office (@LoudounSheriff) August 12, 2024
Forcat e rendit arritën në vendngjarje pas një telefonate nga selia e Trump që u bë rreth orës 9 të mbrëmjes, sipas deklaratës.
Nuk dihet ende nëse i dyshuari ka marrë diçka nga zyra. Hetimet për ngjarjen janë në vazhdim.
“Ndodh rrallë që zyra e një fushate politike apo partie të shkelet kështu,” tha Sherifi Mike Chapman. “Jemi të vendosur të zbulojmë se kush është i dyshuari, të kuptojmë pse ndodhi dhe të përcaktojmë çfarë mund të jetë vjedhur, si dhe çfarë mund të ketë mbetur pas.”
Ndërtesa e vjedhur është aktualisht me qira nga fushata e Trump-it dhe gjithashtu shërben si selia e Komitetit Republikan të Distriktit të 10-të të Virginias, sqaroi LCSO.
Kjo ngjarje ndodhi vetëm dy ditë pasi doli lajmi se komunikimet e brendshme të fushatës së Trump-it ishin hakuar nga një entitet i huaj armiqësor. Fushata e kandidatit republikan iu referua një raporti të Microsoft-it, të publikuar të premten, ku pretendohej se hakerë të lidhur me forcat e armatosura iraniane kishin dërguar një email phishing ndaj një zyrtari të lartë të fushatës presidenciale në qershor. Sipas fushatës, një operativ iranian ishte ai që ndau informacionin e vjedhur me Politico në fund të korrikut, raporton media.
