Presidenti Biden tha se mijëra protestues kundër luftës në Gaza, të mbledhur në Konventën Kombëtare të Demokratëve (DNC), po demonstrojnë për arsye legjitime, duke njohur kështu një konflikt që ka polarizuar Shtetet e Bashkuara dhe ka krijuar përçarje të thella në Partinë Demokrate.
“Ne po punojmë pa ndërprerje, Sekretari im i Shtetit, për të parandaluar një luftë më të gjerë, për të rikthyer pengjet pranë familjeve të tyre dhe për të dërguar ndihmë humanitare, shëndetësore dhe ushqimore në Gaza tani,” tha Biden. “Por ata protestues që janë në rrugë, kanë të drejtë. Shumë njerëz të pafajshëm po vriten në të dyja anët.”
