Këtë të hënë (12 gusht 2024), anëtari i Kryesisë së Partisë Demokratike, Belind Këlliçi, ka bërë thirrje publike për protestën e radhës që do mbahet para Bashkisë Tiranë.
“Duke ju uruar një javë të mbarë miq, ju rikujtoj se të enjte, datë 15 gusht, ora 11:00, mbahet protesta e 21 përpara selisë së 5D dhe inceneratorit Tiranë.”
Protestat para Bashkisë Tiranë erdhën si rezultat i arrestimit të drejtorëve Redi Molla, Mariglen Qato dhe Taulant Tusha, të cilët (sipas SPAK dhe opozitës) përdorën pushtetin e tyre për t’i dhënë tendera dhe kontrata publike kompanisë së tyre “5D Konstruksion”. Protesta e parë u thirr nga Aleanca për Mbrojtjen e Teatrit dhe nga Partia Demokratike në prill të këtij viti. Protesta e së enjtes do të shënojë protestën e njëzet e njëtë para këtij institucioni, të cilin opozita e konsideron si “vatra e korrupsionit në Shqipëri”.
Në statusin e tij, Këlliçi falenderon edhe qytetarët që i janë bashkuar kësaj proteste: “…është momenti t’i themi FALEMINDERIT çdo qytetari, demokrat ose jo, me apo pa parti, që ka dalë në protestë në mbrojtje të kryeqytetit dhe taksave tona.”
Duke ju uruar një javë të mbarë miq, ju rikujtoj se të enjte, datë 15 gusht, ora 11:00, mbahet protesta e 21 përpara selisë së 5D dhe inceneratorit Tiranë.
— Belind Këlliçi (@BelindKellici) August 12, 2024
Gjatë këtyre 5 muajve që protestojmë, pronari faktik i inceneratorit Tiranë dhe Kreu i Grupit të Strukturuar Kriminal 5D… pic.twitter.com/y3ZUhjKv7z
Kryetari aktual i Bashkisë Tiranë, Erion Veliaj, akuzohet për korrupsion dhe shpërdorim detyre nga opozita, në lidhje me çështjen 5D, inceneratorin e Tiranës dhe shembjen e paligjshme të Teatrit Kombëtar. Veliaj, gjithashtu, është nën hetim nga SPAK.
