Biden mohoi raportet që pretendojnë se ai mban inate ndaj anëtarëve të Partisë Demokratike që i kërkuan të largohet nga gara presidenciale.
“Gjithë ky diskutim se unë jam i zemëruar me të gjithë ata që thanë se duhet të tërhiqem nuk është i vërtetë,” tha Biden. “Ka qenë nderi i jetës sime të shërbej si presidenti juaj. E dua këtë punë, por e dua vendin tim më shumë.”
Ai shtoi se është i përqendruar në përfundimin e pesë muajve të mbetur të mandatit të tij: “Më kanë mbetur pesë muaj në presidencë. Kam shumë për të bërë. Kam ndërmend t’i realizoj.”
Në fund të fjalimit të tij që zgjati pothuajse një orë, Biden u bashkua në skenë nga familja e tij, përfshirë Jill Biden, si dhe nga Harris dhe bashkëshorti i saj, Doug Emhoff.
